Languedoc

Vir die gelyknamige nedersetting in die Wes-Kaap, sien gerus Languedoc, Wes-Kaap.

Languedoc Lengadòc
Vlag Wapen
Koördinate: 43°40′00″N 3°10′00″O / 43.666666666667°N 3.1666666666667°O / 43.666666666667; 3.1666666666667
Land	Frankryk

Luafout in Module:Check_for_unknown_parameters op reël 93: attempt to call field '_warning' (a nil value)

Languedoc ([lɑ̃ɡ(ə)dɔkˈ]; Oksitaans: Lengadòc [ˌleŋɡɔˈðɔ(k)] is 'n historiese Franse provinsie, geleë in die sentrale gedeelte van Suid-Frankryk tussen die Rhône-rivier, wat die grens met Provence vorm, en die Garonne (as grens met Gascogne). In die noorde het Languedoc tot die Cévennes-bergreeks en die Sentraalmassief as grens met Auvergne gestrek. Sy gebied behels groot dele van die huidige administratiewe gewes Oksitanië sowel as die département Ardèche en dele van die département Haute-Loire wat albei administratief aan die gewes Auvergne-Rhône-Alpes behoort. Languedoc se historiese hoofstad was Toulouse.

Die provinsie se naam verwys na die taal wat hier tradisioneel gebesig is, Oksitaans, afgelei van die Noord-Franse langue "taal" en die Oksitaanse woord vir "ja", oc. Langue d'Oc is 'n alternatiewe benaming vir Oksitaans.